Kylian Mbappe, te Juventus? Duket e pamundur, megjithatë sulmuesi i Paris Saint-Germain i ka bërë tifozët e “Zonjës së Vjetër” që të ëndërrojnë. Kjo e gjitha ndodhi pas një “Insta-story” të bërë publike nga vetë lojtari mbrëmjen e djeshme, ku shkruante: “Zebra, së shpejti”, shoqëruar me një orë rëre.
Me shumë mundësi ka të bëjë më ndonjë reklamë, por zebra ka qenë gjithmonë simboli i Juves, ndaj dhe mbështetësit e klubit italian janë ngatërruar disi.
Kështu gjatë gjithë mbrëmjes së djeshme Mbappe kishte marrë mesazhe të shumta nga tifozët e Juventusit, të cilët filluan të mendon se francezi do të kalonte aty në vend të Dybalas dhe Bernardeschit.
Megjithatë duke ditur garën e fortë mes PSG-së dhe Real Madridit për 23-vjeçarin si dhe faktin që ai vet ka shumë kërkesa përfshirë këtu edhe rrogën, një kalim i Mbappes te Juvja duket thuajse i pamundur.