Kukësi është skuadra me rendimentin më të dobët në tre javët e para të Superiores. Verilindorët kanë pësuar 3 humbje, duke pësuar 9 gola e kanë shënuar vetëm 2. Një paraqitje shumë larg pritshmërive , që ka ngritur kambanat e alarmit te Kukësi, që këtë edicion do e ketë shumë të vështirë misionin mbijetesë.
Skuadra ka ndryshuar trajnerin dhe me Stavri Nicën ekipi tregoi një frymë ndryshe në përballjen me Dinamo City-n, por që sërish nuk mjaftoi. Ekipi verilindor ka ndryshuar formacion në të tria këto ndeshje dhe nuk po gjen dot stabilitet.
Lexoni edhe:
- Wilson rinovon me Newcastle, sulmuesi: Dua të thyej rekorde me golat e mi
- Ndryshon pronësia, Everton blihet nga fondi që zotëron Genoa, Hertha Berlin dhe shumë klube të tjerë
- Rikthimi i Neuer, Tuchel zbulon ditën e bashkimit me skuadrën
- Investimet e FSHF në infrastrukturë nuk ndalen, Presidenti Duka inauguron një tjetër fushë të re në Kamëz
Sfida e radhës do të jetë ndaj Tiranës kryesuese dhe për Kukësin është një moment shumë delikat, për shkak se i duhen pikë me çdo kusht. Ndeshjet në shtëpi janë shpresa e Kukësi, që kërkon që të reflektojë që këtë javë, ndonëse përballë do të ketë bardheblutë e pathyeshëm në këtë edicion.
