Në fundin e këtij sezoni, Sergio Busquets do të mbyllë ciklin e lavdishëm me Barcelonën teksa mesfushori lajmëroi lamtumirën ndërsa është në pritje të ofertave për të vijuar ditët e fundit të karrierës së tij me shumë mundësi jashtë Europës. Tashmë, te Barça kanë nisur të mendojnë për zëvendësuesin e spanjollit dhe mes alternativave është edhe lojtari i Real Sociedad, Martin Zubimendi.
24-vjeçari është maturuar së tepërmi dhe këtë sezon është lojtari me më shumë minuta të luajtura në radhët e baskëve, ndaj jo më kot ka përfunduar në shënjestrën e katalanasve. Megjithatë, pavarësisht se bëhet fjalë për blaugranët, vetë Zubimendi thekson se nuk preferon të largohet nga Real Sociedad.
Lexo edhe:
- Shtohen ekipet shqiptare në Maqedoninë e Veriut, Voska Sport dhe Gostivari ngjiten në elitë
- Zyrtare/ Ish-kampioni i botës rinovon me skuadrën spanjolle
- Teuta nuk shkakton telashe, Tirana rikthehet pas tre vitesh në finalen e Kupës
- Periudha me Tottenham dhe firma me Newcastle, mbrojtësi: Luajta bixhoz, “Mojitot” të dëmshme
“Nuk e kam shprehur kurrë dëshirën për t’u larguar nga Sociedad, as nuk e kam në plan diçka të tillë. E kam thënë shpeshherë, por mesa duket askush nuk më dëgjon. Këtë sezon po e shijoj shumë, jam i lumtur tek kjo skuadër. Klubi më vlerëson dhe dua të vazhdoj e të përmbush objektivat personal dhe të skuadrës. Për mua është i vetmi mendim në këto çaste”, u shpreh Zubimendi.
