Drejtuesit e Leipzigut kanë gjetur në Francë zëvendësuesin e Josko Gvardiol, i cili u shit te Manchester City për 90 mln euro. Duke u kthyer në mbrojtësin më të shtrenjtë në histori.
Vendin e lënë bosh nga 21-vjeçari kroat, do e mbulojë Castello Lukeba. Francezi me origjinë nga Angola ka dalë nga akademia e Lyonit. Teksa prej verës së vitit 2021 luan me ekipin e parë.
Lexo edhe:
- Rruga për play-off, Partizani zhvendoset në “Elbasan Arena”
- Klopp bën prapakthehu: E pranoj, gabova në atë kohë
- Bate Borisov dhe Breidablik me sytë nga Ballkani dhe Struga, Partizani në “ankth”
- E bujshme nga Spanja/ Neymari arrin akordin me Barcelonën, detajet
Klubi francez do të përfitojë 34 mln euro + bonuse nga shitja e qendërmbrojtësit në Bundesliga. Lukeba ka firmosur një kontratë 5-vjeçare me Leipzigun, ndërkohë që Lyoni ka mbajtur 20% të kartonit të tij.
Lukeba është pjesë e kombëtares U21 të Francës, fanellën e së cilës e ka veshur 10 herë deri tani. Tani është gati të tregojë aftësitë e tij në një nga skuadrat më të forta në Gjermani.
Në një klub që punon në perfeksion me të rinjtë, ku ka mundësinë të punojë i qetë, të përmirësohet dhe të shitet në të ardhmen diku tjetër. Lukeba do të garojë në grupet e Champions League me skuadrën e Marco Rose.
https://twitter.com/i/status/1690040315644719114
