Florian Thauvin bisedoi gjatë me drejtuesit e Milanit verën e kaluar, por sulmuesi i djathtë francez, të cilit i përfundoi kontrata me Marseille, në fund zgjodhi të vazhdonte karrierën në Meksikë.
29-vjeçari firmosi deri në vitin 2026 me Tigres UANL, ndërkohë që në prononcimin e dhënë për L’Equipe tregoi se pse nuk u transferua në Serie A te kuqezinjtë e Stefano Piolit.
“Drejtuesit e Tigres e dinin që isha në fund të kontratës me Marseille dhe më kontaktuan përmes Gignac. Nuk kisha marrë ende asnjë vendim, edhe pse kisha kryer disa bisedime me Milanin.
Negociatat po zgjasnin, te Milani morën kohë në dispozicion, kështu që Gignac më tregoi se presidenti i Tigres e kishte ndarë mendjen për të firmosur me mua.
Në fund të fundit, mendoj se po prisja pikërisht për një përvojë të tillë”, deklaroi Thauvin, autori i pesë golave dhe tre asisteve me shatë herë kampionët e futbollit meksikan.