Mbrojtësi anësor Vangjo Zguro, ka njoftuar zyrtarisht largimin nga skuadra e Luftëtarit. Pogradecari e ka bërë këtë nëpërmjet një njoftimi në faqen e tij në Facebook, ku falënderon drejtuesit e klubit gjirokastrit dhe i uron suksese Luftëtarit.
Gjithsesi, duket se Zguro nuk do të mbetet gjatë pa ekip, pasi menjëherë në gjurmët e tij është vendosur Kamza, që synon ta vërë në dispozicion të trajnerit Ramazan Ndreu. Klubi surprizë e Superiores është në kërkim të një mbrojtësi anësor, pasi ndërpreu kontratën me Nezirin dhe Zguro është profile ideal për këtë pozicion.
