Pjesa e dytë e ndeshjes mes Skënderbeut dhe Vllaznisë ka nisur me përplasje. Në momentin që skuadrat kanë zbritur në fushën e lojës për të nisur fraksionin e dytë të takimit, Vangjel Zguro është përplasur me stolin e shkodranëve.
Më pas situata ka degraduar edhe me përfshirjen në sherr të trajnerit të korçarëve, Migen Memellit dhe në atë moment përplasja ka qenë edhe fizike, ndërsa ka qenë e vështirë qetësimi i gjakrave dhe rifillimi i ndeshjes.
Skënderbeu dhe Vllaznia ndeshen sot për raundin e 22-të të Abissnet Superiore dhe deri më tani vijojnë të jenë me rezultatin 1-2. Shkodranët kërkojnë tre pikët, me synimin për të arritur të tretët në renditjen e Superiores, në mënyrë që të sigurojnë pjesëmarrjen në kupat e Europës, teksa korçarët luajnë të për shpëtuar nga zona e kuqe e renditjes.
