Fitore “in-extremis” e Kamzës në transfertë me Luftëtarin, në një sfidë ku nuk mungoi tensioni dhe kartonët e kuq, por në fund fitorja i buzëqeshi skuadrës së Ramadan Ndreut. 1-2 përfundoi ku takim i luajtur në Gjirokastër, ku “bluzinjtë” nuk ditën ta shfrytëzonin epërsinë numerike, pas ndëshkimit të mbrojtësit mik Fustar me karton të kuq, që në minutën e 32-të.
Në fakt, takimi u zhbllokua nga sulmuesi serb Stevan Raçiç që në minutën e 16-të, por “bluzinjtë” arritën të barazonin në minutën e 63-të me Bregun. Në minutat shtesë portieri i Luftëtarit Miraka, goditi me grusht Stevan Raçiçin, duke dalë nga loja me karton të kuq, ndërsa Kamza fitoi të drejtën për të goditur penalltinë, që u shndërrua në gol nga vetë sulmuesi serb. Dy gola me shumë peshë për serbin Raçiç, që e ngjit Kamzën në kuotën e 6 pikëve.