Moment i vështirë për Safet Gjicin. Kryetari i Bashkisë së qytetit të Kukësit dhe Presidenti i Nderit i klubit verilindor, ka humbur një nga njerëzit më të dashur: vëllanë e tij.
Klubi i Kukësit ka ngushëlluar Presidenti e Nderit në një postim në rrjetet sociale, teksa ceremonia mortore do të zhvillohet ditën e sotme në orën 14:00 në Tufinë.
“Në emër të stafit teknik, stafit administrativ dhe futbollistëve, FK Kukësi i shpreh ngushëllimet më të sinqerta Presidentit të Nderit, z. Safet Gjici, administratorit të klubit, z. Lavdrim Gjici dhe të afërmve për ndarjen e parakohshme nga jeta të vëllait të tyre.
Zoti ju dhëntë forcë për të përballuar këtë dhimbje dhe u prehtë në paqe shpirti i tij”, lexohet në postimin e klubit verilindor në faqen zyrtare.