Vijon të projektohet gjithnjë e më fuqishëm emri i Zinedine Zidane në stolin e Bluve të Londrës. Me francezin Zidane në timon klubi anglez i Chelsea-it sigurisht që do të duhet të përshtasë edhe organikën sepse ish trajneri i Realit do të zgjidhte Premier Leaguen, një joshje e vjetër për të, sipas kushteve të tij. Ish tekniku Realit që dha dorëheqjen në një prej momenteve kulminante për klubin mbretëror projektohet si një njeri ambicioz dhe shumë i kujdesshëm, e në këtë kontekst Roman Abramovich duhet të plotësojë kërkesat e tij nëse dëshiron ta shohë të angazhuar në stolin e klubit londinez. Siç publikon The Sun qëndrimi i fantazistit belg Eden Hazard do të bëhëj një kusht i detyrueshëm, për të ndërtuar rreth tij organikën optimale, për të cilën do të nevojitej një buxhet prej 230 milionë eurosh për sesionin e ri të merkatos çka përbën dhe kushtin e dytë të Zidane dhe kushti i tretë është që të ketë dorë të lirë në merkato përkrah administratores se deleguar Marina Granovskaia. Referuar mediave angleze javën e shkuar francezi ishte shumë pranë nënshkrimit me Blutë e Londrës por aktualisht Chelsea vendosi të vijojë me Sarrin deri në fund të sezonit. Tekniku italian synon ende të sigurojë një renditje të vlefshme në klasikfikim që do t’i jepte Chelseat kualfikimin në Champions ndërkohë që ka ende mundësinë për të bërë mirë në disa impenjime te tjera.