Sipas mediave spanjolle dhe më konkretisht, gazetës madrilene AS, Reali i Madridit po mendon seriozisht të nxjerrë në shitje në merkaton e janarit, uellsianin Gareth Bale. Ky i fundit ishte edhe gjatë verës në merkato por në fund nuk u arrit gjuha e përbashkët me klubet e interesuara dhe qëndroi te Los Blancos. Megjithatë pavarsisht fillimit të mirë të sezonit, rendimenti i Bale më pas nuk ka qenë ai që pritej dhe raportet mes tij dhe trajnerit Zidane janë krisur së tepërmi. Për këtë arsye drejtuesit e Realit të Madridit po mendojnë seriozisht ta nxjerrin në shitje uellsianin me Bale që mund të ndryshojë skuadër që në janar.
