Suksesi i thellë me përmbysje në Pamplona ndaj Osasunas ishte shumë i rëndësishëm për Realin e Madridit për të ruajtur kreun e La Ligas, por edhe për trajnerin francez Zidane që regjistroi një statistikë rekord, duke e bërë këtë fitore akoma më të veçantë.
Francezi preku kuotën e 88 fitoreve me Realin përsa i përket ndeshjeve në La Liga, ndërsa falë këtij suksesi të fundit parakalon teknikun portugez, Jose Mourinho. Tashmë, objektivat e Zidane janë Munoz dhe Vicente Del Bosque për ta shënuar edhe më shumë me gërma të arta emrin e tij në historinë e Real Madrid, pas triumfit edhe tre herë radhazi në Champions League.