Didier Deschamps ndodhet në vitin e dhjetë në krye të stolit të Francës. Tekniku 53-vjeçar udhëhoqi “Gjelat” drejt fitimit të Botërorit Rusi 2018, teksa shpreson të përsërisë të njëjtin sukses edhe në Katar 2022.
Franca është pjesë e grupit D bashkë me Australinë, Danimarkën dhe Tunizinë. Deschamps ka kontratë deri më 31 dhjetor me drejtuesit e Federatës, teksa prej kohësh përflitet Zinedine Zidane si pasardhësi i tij në pankinën e kampionëve të botës.
Në një prononcim për Le Parisien, Deschamps foli hapur rreth situatës së tij në kombëtare dhe zërave të mbërritjes së Zidane pas Kupës së Botës: “Sot nuk është i lirë posti i trajnerit të Francës, pasi aty jemi unë dhe stafi im.
Të gjithë kanë lirinë të thonë çfarë të duan dhe si të duan, mua nuk më intereson fare. Ne duam të fitojmë Kupën e Botës. Çdo gjë që shkon kundër këtij qëllimi të përbashkët nuk është domosdoshmërisht e mirë”.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
