Këtë të shtunë ndaj Getafes, Zinedine Zidane do të arrijë kuotën e 100 ndeshjeve në stolin e Realit të Madridit. Në konferencën për shtyp përpara kësaj sfide trajneri francez i Los Blancos është ngacmuar nga gazetarët e pranishëm në sallë për një kalim të mundshëm te Barcelona në të ardhmen, por përgjigjja e Zidane ka qenë e menjëhershme dhe e prerë:
“ Zemra ime rreh vetëm për Realin dhe prandaj jam këtu. Edhe si futbollist dëshira ime e vetme të isha pjesë e kësaj skuadre. Kur më përfundoi kontrata me Los Blancos më erdhën shumë oferta por unë si një madrilen vendosa ti jap fund karrierës, pasi doja të mbyllja gjithçka me fanellën e bardhë të Realit. Tani mendoj vetëm për punën time si trajner i këtij klubi të madh”, deklaroi Zidane.