Monaco ka përforcuar mesfushën me Mohamed Camara. Lojtari i kombëtares së Malit (15 ndeshje dhe 3 gola) ishte pjesë e Salzburgut në 3 sezonet e fundit.
Klubi nga Principata ka arritur marrëveshjen me kampionët e Austrisë për shumën e 15 milionë eurove, ndërkohë që 22-vjeçari ka firmosur një kontratë 5-vjeçare me Monacon.
Pasi fitoi tre tituj radhazi në Austri, Camara shpreson të fitojë edhe me klubin nga Principata, teksa pa firmës mbi kontratën e re deklaroi: “Jam shumë i lumtur që erdha te një klub i madh si Monaco.
Te Salzburgu u bëra një lojtar më i fortë, ishte e mrekullueshme eksperienca në Austri. Tani dua të bëj më të mirën te Monaco”, deklaroi lojtari afrikan, i cili luan si qendërmesfushor dhe shkatërrues.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
