Premier League

Zyrtare/ Aston Villa blen përfundimisht kartonit e “dështakut” të Barcelonës

Aston Villa blen përfundimisht kartonin Philippe Coutinhos. Braziliani 29-vjeçar u transferua në “Villa Park” në formë huazimi nga Barcelona në janar në një marrëveshje që përfshinte një opsion për blerjen përfundimtare të kartonit të tij në fund të sezonit. Coutinho ka nënshkruar një kontratë që zgjat deri në vitin 2026 me skuadrën nga Birminghami. Barça do të përfitojë 20 milionë euro nga ky transferim.

“Phil është një profesionist model dhe ndikimi i tij në grup ka qenë shumë i qartë që kur ai u bashkua me ne në janar,” – tha trajneri i Villans, Steven Gerrard. – “Ky është një nënshkrim i shkëlqyer për Aston Villan. Me mënyrën se si sillet brenda dhe jashtë fushës, ai është gjithashtu një model edhe për lojtarët tanë më të rinj, të cilët mund të përfitojnë shumë nga përvoja e tij.”

Coutinho ka shënuar katër gola dhe ka dhënë tre asistime tek Aston Villa. Ai iu bashkua Barcelonës për 142 milionë stërlina nga Liverpooli në janar 2018. Kontrata me Barcelonën I përfundonte pas një viti.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency