Niko Kovac nuk është më trajneri i Bayern Munich. Humbja e turpshme ndaj skuadrës së tij Eintracht Frankfurt me rezultatin 5-1 ka rezultuar fatale për kroatin i cili është shkarkuar nga detyra si trajner i skuadrës bavareze. Përfundon kështu pas rreth 18 muajsh aventura e Niko Kovac në stolin e Bayernit me 48 vjeçarin ballkanas që fitoi 3 trofe në këtë eksperiencë me kampionët e Gjermanisë. Në 2 ndeshjet e ardhshme skuadra do të drejtohet nga ndihmësi i Kovac Hans Flick, ndërsa gjatë pushimit të kombëtareve drejtuesit e Bayernit do të kenë kohën e mjaftueshme për të gjetur trajnerin e ri. Flitet për shumë emra ku më tepër spikasin Jose Mourinho dhe Massimiliano Allegri.
