Klubi i Llapit, në IPKO Superligën e Kosovës, vijon të bëjë lëvizjet e duhura për të qenë gati për nisjen e sezonit të ri futbollistik. Ekipi nga Podujeva ditën e sotme ka zyrtarizur vazhdimin e bashkëpunimit me Benjamin Eminin, me repartin mbrojtës që tashmë është thuajse i kompletuar.
Mbrojtësi i krahut të majtë ka firmosur kontratën e re për sezonin 2020-2021. Futbollisti që i ka qëndruar besnik Llapit më shumë se 10 vite e do të vijojë të jetë pjesë e rëndësishme e skuadrës edhe në edicionin e ri.
Benjamin Emini në edicionin që lamë pas ka zhvilluar 28 ndeshje (27 kampionat/1 kupë) duke kontribuar me 1 gol e 1 asistim në gjithsejt 2407 minuta të luajtura.