Zyrtarizohet pasuesi i Ismet Munishit në krye të Ballkanit në Superligën e Kosovës. Bhet fjalë për Bledi Shkëmbin, ish-futbollistin dhe trajnerin e njohur shqiptar, që kthehet të punojë në Kosovë ku më parë ka drejtuar Lirinë e Prizrenit. Në njoftimin e klubit nga Suhareka, Skëmbi ishte kandidatura që shpalosi një projekt më bindës, ndaj u vendos që të jetë korçari trajneri i Ballkanit.
Njoftimi i Ballkanit
Kemi arritur marrëveshjen me trajnerin nga Korça z. Bledi Shkëmbi. Pas shumë negociatave me trajner të respektuar, të cilët i kemi kontaktuar dhe të cilët i falënderojmë për shpalosjen e programeve të tyre dhe vullnetin për të bashkëpunuar.
Mirëpo, ai i cili na bindi për një bashkëpunim të ardhshëm tashmë është timonieri më i ri FC Ballkanit, Bledi Shkëmbi.
Shkëmbi ka drejtuar skuadrën KF Teuta (Durrës) dhe Liria FC (Prizren) andaj kjo është sprova e tij e dytë në Superligën e Kosovës.
Na priftë e mbara Bledi Shkëmbi, Na priftë e mbara Suharekë!”
