Bylis ishte një nga skuadrat të këtij sezoni në Kategorinë Superiore teksa në momente të caktuara u pozicionuan edhe të 2-ët në kampionat. Ballshiotët arritën të siguronin pa probleme mbijetesën ndërkohë që shkuan edhe deri në gjysmëfinalet e Kupës së Shqipërisë. Por pavarsisht se siguroi qëndrimin mes më të mirëve te Bylis pritet një revolucion i vërtetë gjatë merkatos së verës. Vetëm pak orë pasi mbyllën kampionatin me barazimin 1-1 ndaj Tiranës në kryeqytet, ballshiotët kanë dalë me një komunikatë në faqen zyrtare ku bëjnë me dije largimin e 5 futbollistëve të cilët kanë mbyllur bashkëpunimin me Bylisin, ndërkohë që edhe Jurgen Goxhaj, pavarsisht se emri i tij nuk duket në komunikatën e Bylisit duket e i larguar ndërsa pa u mbyllur ende sezoni nga Bylis janë larguar edhe Bicaj, Guindo, Munoz, Vicente e Turabov.
“FK Bylis falënderon për kontributin lojtarët: Festim Miraka, Ardit Peposhi, Silvester Shkalla, Majkell Peçi dhe Emiljano Mozzone dhe mirëkuptimin që vijuan të kontribuojnë në një sezon të zgjatur edhe për shkak të pandemisë COVID-19.
Por i shprehim mirënjohje në veçanti Ardit Peposhit, që ka luajtur katër sezone në Ballsh dhe ka një kontribut të çmuar, por duke qenë se në linjën e majtë luan Ndreca, një lojtar me perspektive, presidenti Kapllanaj dhe Peposhi shtrënguan duart duke i uruar lojtarit suksese për t’i hapur rrugë një aventure të re.
Tashmë zyrtarisht nis merkato dhe pritet që të ketë prurje në ditët e ardhshme, gjithmonë duke iu dhënë prioritet lojtarëve të talentuar dhe me perspektive, ku këtë sezon ka pasur edhe zbulime si: Hadroj, Ujka apo Qardaku e Barjamaj”, shkruhet në komunikatën e klubit ballshiot.
