Sulmuesi meksikan Javier Hernandez, i njohur ndryshe si “Chicharito” ka vendosur të rikthehet në kampionatin spanjoll, atje ku në sezonin 2014-2015 veshi për 23 ndeshje fanellën e Realit të Madridit.
Këtë herë 31-vjeçari nuk ka zgjedhur kryeqytetin, por rajonin e Andaluzisë, pasi ka firmosur një kontratë 3-vjeçare me skuadrën e Sevillas, e cila njoftoi marrëveshjen pak minuta më parë.
Hernandez është një sulmues me mjaft eksperiencë, që ndër vite ka veshur fanellat e skuadrave si Manchester United, Bayer Leverkusen dhe së fundi West Ham, ku në dy vite ka luajtur 55 takime dhe ka shënuar 16 gola.
