Daley Blind është zyrtarisht futbollist i Bayernit të Mynihut. Lajmi i dhënë nga media të ndryshme gjatë kësaj të enjteje, u konfirmuan nga vetë klubi bavarez.
Mbrojtësi holandez, që pjesën më të madhe të karrierës e ka kaluar te Ajaxi i Amsterdamit, ka firmosur me gjigatët e Bundesligës deri në fund të sezonit, me mundësinë e rinovimit të kontratës edhe një sezon tjetër, kuptohet në varësi të performancave të tij.
Blind, i cili gjithashtu ka pasur përvoja me Groningenin dhe Manchester United, do të bëhet 33-vjeç në mars. Ai mund të luajë në disa pozicione: në qendër të të mbrojtjes, në të majtë, por edhe si mesfushor me tipare mbrojtëse.
Blind di mirë gjermanisht, çka ka ndihmuar në transferimin e tij në Bavari.
Servus, Daley 🔴⚪
FC Bayern can announce the signing of defender Daley Blind on a deal till the end of the season.#MiaSanMia
— FC Bayern Munich (@FCBayernEN) January 5, 2023
