Do të jetë Paco Alcacer njeriu që do të mbajë peshën e sulmit te Borussia e Dortmundit gjatë këtij sezoni. Drejtuesit verdhezinj ishin prej kohësh në kërkim të një bomberi i cili do të zëvendësonte të larguarin Michy Batshuayi dhe i përzgjedhuri i klubit verdhezi është spanjolli Alcacer. Borussia e Dortmundit pasditen e sotme zyrtarizoi afrimin e 24-vjeçarit iberik në formë huazimi për një sezon me të drejtë blerjeje verën e ardhshme. Alcacer për mungesë hapsirash vendosi të ndante rrugët me Barcelona pasi është në kulmin e karrierës dhe dëshiron të luajë. Te skuadra e Lucien Favre ish-lojtari i Valencias pritet ta ketë të sigurtë vendin në formacionin titullar. Alcacer në këtë aventurë të re do të mbajë veshur fanellën me numër 9. 24-vjeçari shkëlqeu te Valencia, ku luajti deri në vitin 2016 dhe shënoi 30 gola në 93 takime, ndërsa më pas iu bashkua Barcelonës. Në dy sezone ai luajti shumë pak me katalanët, duke diskutuar 37 takime, shumicën e të cilëve vetëm për pak minuta, ndërsa arriti të shënojë edhe 10 gola në La Liga.
