Dinamo City ka zyrtarizuar trajnerët e rinj të akademisë. 18 herë kampionët e Shqipërisë nuk e kanë nisur mirë sezonin e ri në Superiore.
Skuadra e Luigi Di Biagios ka regjistruar një fitore dhe tri humbje në katër javët e para. Ndërkohë që drejtuesit e klubit kanë zgjedhur trajnerët e skuadrave të moshave.
Lexoni edhe:
- Triumfi në derbi/ Vazhdon festa te Inter, Inzaghi u jep lojtarëve një ditë pushim
- FSHF organizon turneun ‘UEFA Development U-15’ për vajza, Shqipëria përballet me Ishujt Faroe, Maltën e Luksemburgun
- Ten Hag nuk e konsideron, Barcelona “hidhet” në sulm për lojtarin e United
- Cagliari-Udinese mbyllet pa fitues, skuadrat ende nuk kanë provuar “shijen” e fitores këtë sezon
Bie në sy rikthimi i Dritan Mehmetit. 43-vjeçari udhëhoqi ekipin drejt rikthimit në Superiore, por aventura e tij si trajner i parë përfundoi në ditët e fundit të muajit korrik.
Me drejtuesit që zgjodhën më pas italianin Di Biagio si timonierin e ri të skuadrës, që ka ndryshuar emrin dhe logon.
Mehmeti është emëruar tekniku i skuadrës U19 të Dinamo Cityt. Teksa Edvan Bakaj, i cili u tërhoq nga futbolli në maj, është përzgjedhur trajneri i portierëve në ekipin e parë.
Dinamo City U17 i është besuar Genc Mahmutajt, teksa skuadra U16 Sabien Lilajt. Jahmir Hyka do të drejtojë Dinamo City U15, ndërkohë që pjesë e akademisë si trajnerë do jenë edhe Engert Bakalli, Luan Pinari dhe Aleko Bregu.
