Ashtu siç edhe pritej, Egnatia ka zyrtarizuar ditën e sotme marrëveshjen me trajnerin Zekirija Ramadani. Ky i fundit vjen me një CV të pasur sidomos në Superligën e Kosovës ku ka fituar titullin kampion me Trepçe ’89, Feronikelin dhe Prishtinën, ndërsa do të provojë të bëjë mirë edhe me ekipin rrogozhinas, i cili si objektiv minimal ka mbijetesën në elitën e futbollit shqiptar, megjitathatë ambicia është për të arritur edhe më shumë.
Kujtojmë se, Ramadani trashëgon këtë post nga Gugash Magani i cili para disa ditëve mbylli marrëveshjen me presidentin Agim Demrozi. Kujtojmë se më parë, 43-vjeçari ka pasur eksperiencë edhe në Superiore teksa në vitin 2016, ka drejtuar për pesë muaj Flamurtarin, por pa lënë shumë gjurmë.