Ashtu siç pritej, UEFA ka vendosur të ndryshojë stadiumin e finales së Championsit për sezonin 2021-2022. Në mbledhjen urgjente të Komitetit Ekzekutiv të qeverisë së futbollit evriopian është marrë vendimi që sfida që do të përcaktoje fituesin e kompeticionit më të rëndësishëm për klube të luhet në Paris, “Stade de France”, duke ia hequr të drejtën e organizimit Shën Petersburgut.
Kuptohet që ky vendim lidhet me konflikti ushtarak mes Rusisë dhe Ukrainës, që ka tronditur mbarë botën. Forcat ruse kanë nisur pushtimin e terrritoreve ukrainase prej dy ditësh, duke shkaktuar zemërim edhe në organizatën europiane të futbollit, që edhe për arsye sigurie nuk mund të lejonte që finalja e Championsit të zhvillohej në qytetin rus të Shën Petersburgut.
