Tashmë është zyrtare. Kampionati Europian i vitit 2024 do të zhvillohet në Gjermani. Me 18 vite distancë nga Botërori i vitit 2006 një tjetër event madhor në futboll do të zhvillohet në tokën teutone. Gjermania fitoi betejen me Turqinë që ishte në garë me gjermanët për zhvillimin e Euro 2024. Votimi i mbajtur në Nyon nga presidenti i UEFA-s Aleksandër Ceferin i buzëqeshi Gjermanisë që mori më shumë vota se Turqia duke i dhënë një tjetër shuplakë presidentit turk Rexhep Taip Erdogan, duke patur parasysh edhe faktin që marrëdhëniet politike mes dy shteteve janë të rënduara.
