Mbyllet pas dy sezonesh aventura e Gledi Micit te Shkëndija e Tetovës. Klubi kuqezi me një njoftim në faqen zyrtare ka komunikuar se nuk do të vazhdojë më bashkëpunimin me ish-mbrojtësint e Kukësit dhe Skënderbeut si dhe me sulmuesin anësor, brazilianin Aldair Neto. Të dy futbollistët të cilët ishin në skadencë kontrate nuk kanë rinovuar kontratat e tyre me Shkëndijën duke u shkëputur përfundimisht nga kuqezinjtë tetovarë për ta vazhduar karrierën diku tjetër. Mici në sezonin e fundit të kampionatit të Maqedonisë së Veriut Prva Liga u aktivizua në 20 takime dhe 1 gol. Për mbrojtësin e majtë ka interes nga disa klube të Superiores ku në pole position qëndron Tirana por kërkesat e larta ekonomike të futbollistit mund të stepin klubin bardheblu.
