Andi Hadroj është përforcimi i radhës i Partizanit. “Demat” janë një nga klubet më aktive në merkato, teksa 22-vjeçari është përforcimi i katërt pas Sherif Kallakut, Eneo Bitrit dhe Xhulio Skukës.
Hadroj është aktivizuar më parë në Abissnet Superiore me Laçin dhe Bylisin. Anësori i djathtë, i cili mund të luajë edhe si si mbrojtës i majtë, ka firmosur për 2.5 vite me klubin kryeqytetas.
“FK Partizani zyrtarizon arritjen e marrëveshjes me lojtarin Andi Hadroj. Mbrojtësi 22-vjeçar pas eksperiencave te Laçi dhe Bylis do të jetë pjesë e të kuqve në Superligë.
Hadroj i cili ka nënshkruar me Partizanin një kontratë për dy vite e gjysmë është vënë menjëherë nën urdhrat e trainerit Dritan Mehmeti”, lexohet në komunikatën zyrtare të klubit kryeqytetas.
[quiz-cat id=”297408″]
