Shtatë muaj pas lamtumirës nga Feyenoordi, Jaap Stam ka gjetur një skuadër të re. Ish-qendërmbrojtësi holandez do të fluturojë për në Shtetet e Bashkuara të Amerikës për t’u bërë trajneri i Cincinnatit në MLS. 47-vjeçari mësohet se ka nënshkruar për një vit e gjysmë, me mundësi rinovimi edhe një vit tjetër.
Drejtori teknik i klubit amerikan, Gerard Nijkamp, përshëndeti marrëveshjen me trajnerin e ri.
“Ne jemi të nderuar dhe të lumtur që Stam bëhet trajner i Cincinnatit. Ai ka përvojë të gjerë në klubet më të mira në botë si lojtar dhe ka treguar se ai mund të bëjë shumë mirë edhe si trajner.”
Stam, 48 vjeç në korrik, po përgatitet për aventurën e tij të katërt në stolin e një skuadre. Pas përvojës me të rinjtë e Ajaxit, Stam drejtoi anglezët e Reading dhe PEC Zwollen dhe Feyenoordin në Holandë.
Në Cincinnati, Stam do të zëvendësojë bashkatdhetarin e tij, Ron Jans, u largua pasi një episodi të pretenduar si racist. Për më tepër, Gerard Nijkamp, i cili tashmë ka punuar me Stam në Zwolle, është gjithashtu Holandez.
