Karrierë në shkëlqim për holandezin Jaap Stam. Ish-mbrojtësi i PSV Eindhovenit, Manchester United, Lazios, Milanit dhe përfaqësueses holandeze nga sezoni i ardhshëm do të jetë trajner i Feyenoordit në Eredevisie.
Lajmi u dha nga vetë klubi me qendër në Roterdam, nëpërmjet një komunikate për shtyp. Stam, që ka firmosur një kontratë me kohëzgjatje deri në qershor të vitit 2021, do të marrë vendin e Giovanni Van Bronckhorst, nën drejtmin e të cilit Feyenoordi fitoi titullin në Holandë në vitin 2017, pas plot 18 vitesh.
