Juventusi dhe Medhi Benatia ndajnë përfundimisht rrugët pas 2 viteve e gjysmë bashkëpunim. Klubi bardhezi edhe zyrtarisht ka njoftuar largimin e mbrojtësit maroken te skuadra nga Katari, Al Duhail.
Juventusi do të përfitojë plot 8 milionë euro nga kartoni i lojtarit, ndërsa pagesa do të bëhet në dy këste brenda vitit 2019. Shifra mund të shkojë deri 10 milionë nëse do të arrihen disa kritere gjatë eksperiencës së futbollistit në Katar.
Me fanellën e Juventusit Benatia është aktivizuar në 40 ndeshje të kampionatit të Serisë A, duke realizuar tre gola, i fundit kundër Romës në dhjetor të vitit 2017.
14 takime në Champions, një në Superkupën e Italisë dhe katër në Kupë. Ka fituar dy kampionate, dy Kupa të Italisë dhe një Superkupë.