Mungonte vetëm zyrtarizimi por tashmë edhe ai ka ardhur. Azdren Llullaku është lojtari më i ri i Shakhtyor Soligorsk dhe do të jetë shok skuadre me një tjetër ish-futbollist të kombëtares shqiptare Elis Bakajn. Llullaku i cili në këtë merkato u kërkua edhe nga Partizani e Kukësi, ka firmosur për një vit e gjysmë me skuadrën bjelloruse, pra deri në përfundim të vitit 2020. Objektivi i Shakhtyor Soligorsk në këtë sezon është fitimi i titullit kampion dhe me Llullakun i cili zhvilloi një sezon shumë pozitiv me Astran në Rumani shanset e skuadrës nga Soligorsk për të thyer hegjemoninë e Bate Borisov, janë më të mëdha.
