Rinovim i rëndësishëm te Bayern Munchen. Kampionët e Gjermanisë kanë zgjatur bashkëpunimin me Manuel Neuer, kapitenin e ekipit.
Portieri 36-vjeçar kishte kontratë deri në 2023, por do të qëndrojë në Bavari deri në verën e vitit 2024 sipas marrëveshjes së re me rekordmenët e Bayernit.
“Neuer është portieri më i mirë në botë dhe ka vite që vendos standarde ndërkombëtare. Është një arritje e madhe për ne të rinovojmë me një lojtar të klasit botëror për një kohë kaq të gjatë”, deklaroi Oliver Kahn, drejtori ekzekutiv i klubit gjerman.
“Gardiani” gjerman është pjesë e Bayern Munchen prej vitit 2011 dhe gjatë këtyre viteve ka fituar 27 trofe me skuadrën nga Mynihu.