Tjetër përforcim për Dinamon. 18 herë kampionët e Shqipërisë kanë prezantuar Jocelin Behiratchen si mbrojtësin më të ri të skuadrës së Dritan Mehmetit.
23-vjeçari nga Bregu i Fildishtë, ishte pjesë e Tiranës prej janarit të vitit 2021. Me bardheblutë fitoi titullin kampion dhe Superkupën e Shqipërisë.
“Jocelin Behiratche është zyrtarisht blu!
FC Dinamo njofton se Jocelin Behiratche është zyrtarisht pjesë e 18 herë kampionëve.
Lexo edhe:
- Ndeshja e Champions League me Ludogorets, Ballkani: Biletat shiten edhe në Prishtinë
- Pas dy sezonesh, mesfushori “kuqezi” largohet nga Konyaspor
- Lautaro apo Barella, kush do jetë lideri i ri i “zikaltërve”?
- Gerrard: Së shpejti kampionati i Arabisë Saudite do të jetë një nga më të mirët në botë
23-vjeçari që luan në mbrojtje vjen tek blutë pas 3 sezoneve të suksesshme me ekipin e Tiranës dhe ditën e sotme do të vihet menjëherë nën urdhrat e stafit teknik.
Mirë se vjen Jocelin”, lexohet në komunikatën zyrtare të klubit kryeqytetas.
Qendërmbrojtësi afrikan është përforcimi i tretë për Dinamon, që më parë ka firmosur me sulmuesin Luis Kaçorri dhe mbrojtësin Rustem Hoxha.
Ndërkohë që është rikthyer edhe Albion Marku, mbrojtësi i djathë mirditor, i cili ishte në huazim te Teuta.
