Tashmë është zyrtare. Enea Mihaj duke filluar që nga sezoni i ardhshëm do të mbajë veshur fanellën e PAOK-ut të Selanikut. Mbrojtësi i kombëtares shqiptare ka firmosur për 4 vitet e ardhshme me kampionët e Greqisë dhe zyrtarizimi i transferimit të tij te PAOK-u ka ardhur një stil vërtet unik, me një video të publikuar nga kanali zyrtar i klubit selanikas. 21-vjeçari i cili ishte një nga lojtarët më të spikatur të sezonit të fundit me Panetolikos do të mbajë veshur fanellën me numër 6 te PAOK-u ndërsa blerja e tij u ka kushtuar bardhezinjëve rreth 1,2 milionë euro. Mihaj kërkohet edhe nga Olympiacos e Benfica por ai zgjodhi PAOK-un pasi ka një skuadër me eksperte dhe mund të mësojë shumë nga emra si Crespo e Varela, lojtarët me më shumë peshë në prapavijën e skuadrës selanikase.
Get out of his way…#MihajIsHere #TheFutureIsHere #OwnTheTop pic.twitter.com/mQLvhDJ0id
— PAOK FC (@PAOK_FC) June 25, 2019
