Largimi i Patrick Cutrones nga Milani tashmë është zyrtar. Klubi kuqezi ka njoftuar se e ka shitur përfundimisht sulmuesin e rritur në akademinë kuqezi te Wolverhampton Wanderers FC. Në komunikatën e rastin shkruhet se “klubi dëshiron të falënderojë në mënyrë të veçantë Patrick për pasionin dhe impenjimin maksimal gjatë 12 viteve si kuqezi. I rritur në sektorin e të rinjve të Milanit nga mosha 8-vjeçare, ai iu bashkua skuadrës së parë në vitin 2016. Lojtarit i urojmë fat për aventurën e re profesionale.”
Nga ky transferim Milani do të përfitojë 20 milionë euro, plus bonuset, në bazë të paraqitjeve të sulmuesit. Këtë të mërkurë pritet që “Djalli” të zyrtarizojë Leaon, i cili vjen nga Lille. Futbollisti tashme ka mbërritur në Milano.