Martin Prenkocevic është goditja e gjashtë e Kastriotit në merkato. Klubi i Superiores ka gjetur gjuhën e përbashkët për të firmosur një kontratë 2-vjeçare me qendërmbrojtësin shqiptar nga Mali i Zi.
23-vjeçari ka luajtur me kombëtaren U17 të Malit të Zi, ndërkohë që gjithë karrierën e ka zhvilluar në vendlindje, aty ku ka luajtur me ekipe si Rudar Pljevlja, Deçiq, OFK Petrovac dhe Kom Podgorica.
“Martin Prenkoçeviç është lojtari më i ri i Kastriotit. Mbrojtësi shqiptar nga Mali i Zi ka firmosur me Kastriotin për dy sezonet e ardhshme. I formuar te grupmoshat e Podgoricës, 23 vjeçari ka luajtur edhe me Deçiçin e Tuzit, Kom Podgorica, OFK Petrovak dhe së fundmi me Rudarin.
KS Kastrioti i uron mirëseardhjen, dhe shumë paraqitje pozitive me fanellën tonë”, shkruan klubi krutan në faqen zyrtare. Lojtari me origjinë shqiptare është prurja e radhës për teknikun Çela pas Kevin Aliajt, Zejsar Arapit, Milos Stojanovic, Brajan Selmanit dhe Franc Marinajt.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?