Juan Carlos Osorio nuk do të jetë më trajneri i Meksikës.Lajmi u konfirmua nga Federata e Futbollit më anë të një deklarate në të cilën shkruhej: Pas një periudhe reflektimi, analizash të shumta dhe mbledhjesh mes Juan Carlos Osorio dhe Federatës, profesori vendosi të mos kandidojë më për vendin e trajnerit të kombëtares së futbollit. 56-vjeçarit kolumbian, të cilit i skadoi kontrata pas përfundimt të Botërorit në Rusi, ishte në drejtim të Meksikës që nga viti 2015. Nën drejtimin e tij Meksika arriti çerekfinalet e Copa America në 2016, gjysmëfinalen e Confederations Cup dhe 1/8 e Kupës së Botës në Rusi ku u elimina 2-0 nga Brazili.