Kastrioti në duart e Ramadan Ndreut. Trajneri krutan, deri pak kohë më parë pjesë e stafit teknik të Kukësit, ka vendosur të marrë përsipër detyrën për rikthimin e ekipit në elitën e futbollit shqiptar.
Pas disa ditësh pritje, më në fund Kastrioti e ka zyrtarizuar Ramadan Ndreun si trajnerin e ri të skuadrës. Ai pason në këtë post Bledar Devollin, i larguar ditën e fundit të kampionatit.
51-vjeçari ka qenë edhe më parë, në periudha të ndryshme trajner i Kastriotit (në Kategorinë e Parë dhe në Superiore), pra është një njeri që e njeh shumë mirë ambientin.