Clarence Seedorf është një nga mesfushorët më të mirë që ka nxjerrë Holanda. 46-vjeçari i kaloi vitet më të bukura të karrierës te Milani, ekip me të cilin fitoi gjithçka.
Seedorf është i vetmi që ka fituar Champions League me tri klube të ndryshme (Ajax, Real Madrid, Milan 2x).
Pas përfundimit të karrierës si futbollist ai nisi atë të trajnerit. Deri tani ka punuar me skuadra si Milan, Shenzhen FC dhe Deportivo La Coruna.
LEXO EDHE:
- Zyrtarizohet lista për Poloninë, ja risitë e Sylvinhos
- Shorti i Championsit, përplasje “gjigantësh” në çerekfinale
- Europa League/ Juventusi “peshkon” Sportingun, Man. United përballë Sevillas
- Mourinho “mbret” i ironisë: A ka një garë tjetër ku të luajë Lazio?!
Në vitet 2018-2019 drejtoi kombëtaren e Kamerunit, që përkon me aventurën e tij të fundit në pankinë.
Seedorf nuk ka trajnuar më, ndërkohë që është bërë pjesë e KNVB (Federata Holandeze e Futbollit).
Ish-mesfushori i shquar, është përfshirë zyrtarisht në Bordin Mbikëqyrës të KNVB, në të cilin do të mbulojë pikërisht rolin e vlerësuesit teknik.
