Skuadra e Gjilanit zyrtarizon një tjetër afrim pas firmave me dy futbollistët nga Shqipëria, Vilson Lila e Klejdi Koçi. “Skifterët” kanë arritur të afrojnë Semir Hadžibulič, që ka nënshkruar kontratë deri në verën e vitit 2020.
Mesfushori 32-vjeçar nga Novi Pazari vjen te Gjilani pas një përvoje në shumë klube rajonale dhe me gjerë, ku ka zhvilluar karrierën e tijë të pasur futbollistike.
Hadžibulič sezonin e fundit ka luajtur për skuadrën nga Ishujt Faroe, Kí Klaskvík.
Gjilani me mirëkuptim të dyanshëm ka ndërprerë kontratat me dy lojtarët nga Ferizaj, Edon Sadriu dhe Ergon Hyseni. Ekipi kuqebardhë falënderon lojtarët për angazhimin dhe kontributin e dhënë ndër vite dhe u uron suksese në vazhdim të karrierës së tyre.