Bordeaux ka shkarkuar nga detyra trajnerin Vladimir Petkovic. 58-vjeçari nga Sarajeva mori drejtimin e ekipit francez në verë, duke firmosur deri në 2024.
Rezultatet zhgënjyese dhe renditja në vend të parafundit në Ligue 1, kanë sjellë fundin e aventurës së Petkovic me Bordeaux, që dje u turpërua 5-0 nga Reims.
Bashkë me të është shkarkuar edhe ndihmësi Antonio Manicone. Petkovic drejtoi për tetë vite radhazi kombëtaren e Zvicrës përpara se të pranonte ofertën franceze.
Në Euro 2020, që u zhvillua verën e kaluar në Angli, ai udhëhoqi helvetët deri në çerekfinalet e turneut prestigjioz, teksa me Lazion ka fituar një Kupë Italie në vitin 2013.
[quiz-cat id=”288388″]
