Niklas Sule do të largohet si lojtar i lirë nga Bayern Munchen. Qendërmbrojtësi po luan sezonin e fundit me kampionët në fuqi të Gjermanisë. Ne verë i përfundon kontrata, akordi i rinovimit nuk u arrit dhe 26-vjeçari do të zgjedhë vetë ekipin e ardhshëm.
Ofertat nuk i mungojnë, Barcelona e ndjek prej kohësh, interesim për Sulen kanë shfaqur edhe Manchester United e Chelsea, por mbrojtësi ka vendosur të vazhdojë karrierën në Bundesliga.
“Niklas së fundmi ka marrë një vendim, dhe do të habitesha nëse ai do të ndryshonte mendje”, deklaroi agjenti i tij, Volker Struth, teksa sot është zyrtarizuar transferimi i tij te Borussia Dortmund për sezonin e ardhshëm.
Drejtuesit e verdhezinjve nuk mund ta humbnin një mundësi të tillë për të përforcuar prapavijën, repart që ka nevojë për afrime, dhe kanë arritur akordin final me lojtarin e Bayernit.
[quiz-cat id=”288388″]