Emri i tij u lidh me stolin e Tottenhamit, por Arne Slot nuk do të marrë drejtimin e skuadrës londineze. Trajneri holandez ka rinovuar kontratën me Feyenoordin.
44-vjeçari, i cili fitoi Eredivisie këtë sezon duke rikthyer titullin kampion në Roterdam, ka firmosur kontratën e re me Feyenoordin.
Lexo edhe:
- Bayern kthehet nga City, kërkon sulmuesin kampion bote
- PSG mendon seriozisht për Hernandez, nisin kontaktet e para
- Mesfushori i Wolves refuzon Arsenal-in, pret vetëm ofertën e Barcelonës
- Dikur titullarë, sot të padëshiruar, Marseille nxjerr në merkato dy lojtarë
Me anë të një komunikate zyrtare, kampionët e Holandës kanë lajmëruar rinovimin me Slot deri në vitin 2026.
Tottenhami duhet të kërkojë për një trajner tjetër, ndërkohë që Slot dhe djemtë e tij do të garojnë në Champions League sezonin e ardhshëm.
https://twitter.com/i/status/1662072026931118080
Slot qëndron në pankinën e Feyenoordit prej verës së vitit 2021. Sezonin e kaluar ai dhe skuadra e tij mbërritën deri në finalen e Conference League.
Që u zhvillua në “Air Albania”, Tiranë, dhe që u fitua 1-0 nga Roma e Jose Mourinhos falë golit të Nicolo Zaniolos.
