Pesë ditë pasi shpalli lamtumirën si trajner i kombëtares iraniane, Carlos Queiroz gjen një stol të ri.
Portugezi është drejtuesi i ri i Katarit. Palët kanë arritur një marrëveshje deri në vitin 2026, me synim kualifikimin në Botërorin që do të zhvillohet në Shtetet e Bashkuara, Kanada dhe Meksikë.
Për 69-vjeçarin, kjo është kombëtarja e shtatë që do të drejtojë, pas Emirateve të Bashkuara Arabe, Afrikës së Jugut, Portugalisë, Iranit (dy herë), Kolumbisë dhe Egjiptit.