Tashmë është zyrtare, ajo që përflitej prej kohësh është bërë realitet. Mbrojtësi i kombëtares franceze Samuel Umtiti ka rinovuar kontratën e tij me Barcelonën deri në 30 qershor të vitit 2023. Në praninë e presidentit Josep Maria Bartomeu, ish lojtari i Lyonit ka hedhur firmën mbi kontratën e re. Në marrëveshjen e re Barcelona i ka vendosur një klauzolë largimi stratosferike mbrojtësit francez prej plot 500 milionë eurosh, ndërsa ajo e mëparshja ishte vetëm 60 milionë euro. Manchester United klubi që në muajt e fundit kishte shfaqur shumë interes për të marrë shërbimet e Umtiti me kontratën e re të mbrojtësit ka hequr dorë përfundimisht nga ideja për të firmosur me të.
