Esat Mala është lojtari më i ri i Vllaznisë. Klubi shkodran ka zyrtarizuar afrimin e ish-lojtarit të Partizanit nëpërmjet një komunikatë në faqen zyrtare.
23-vjeçari dardan ka ditë që i është bashkuar skuadrës së Mirel Josës në stërvitje, ndërkohë që ka firmosur deri në vitin 2024 me kuqeblutë.
“Klubi i Futbollit Vllaznia njofton zyrtarizimin e akordit të arritur me lojtarin Esat Mala i cili do të jetë pjesë e Vllaznisë në dy sezonet e ardhshme. Mirë se erdhe Esat Mala!”, shkruan Vllaznia.
Mala, i cili shënoi një gol në 12 ndeshje me Shqipërinë U21, u shpall kampion me Partizanin në vitin 2019, ndërkohë që shpreson të fitojë titullin edhe në Shkodër.
Një përforcim i rëndësishëm për teknikun Josa, i cili mund të aktivizojë lojtarin në disa pozicione, si atë të mesfushorit, anësorit të djathtë dhe sulmuesit të krahut.
Mala është afrimi i radhës te Vllaznia, që më parë ka firmosur me lojtarë si Lorik Boshnjaku, Herald Marku, Rejan Alivoda, Marko Juric, Dajan Shehi, Kristijan Vulaj, ndërkohë që u rikthye edhe sulmuesi Kaina pas huazimit te Kastrioti.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
