Bisedimet mes Arsenalit dhe Borussias së Dortmudit për Pierre-Emerick Aubameyang janë drejt fundit. Mësohet se “Topçinjtë” kanë rënë dakord për të paguar afërsisht 60 milionë stërlina për kartonin e sulmuesit nga Gaboni. Vonesa e zyrtarizimit të Aubameyang në “Emirates” lidhet vetëm me të ardhmen e Oliver Giroud, që shumë shumë pranë kalimit te Chelsea për 35 milionë stërlina.
Blutë e Londrës, në fakt, prisnin të merrnin Edin Dzekon, por rezistenca e Romës dhe e vetë futbollistit boshnjak, që kërkon kontratë deri në vitin 2020 e kanë detyruar Chelsean të përqendrohet tashmë te Giroud. Sulmuesi francez, pavarësisht çmimit të lartë, ka një avantazh, sepse mund të luajë në Champions nën urdhrat e Contes. Edhe Dortmundi interesohej për Giroud, por verdhezinjtë janë fokusuar te Michy Batshuayi.
