Pas kalimit të ekzaminimeve mjekësore, PSG zyrtarizoi afrimin e Idrissa Gueye. Mesfushori, i transferuar nga Everton, iu bashkua parizienëve për shumën e 30 milionë eurove, ndërkohë që lojtari nga Senegali firmosi deri 30 qershor 2023. Edhe vitin e kaluar Gueye ishte një objektiv i kampionëve të Francës, por mes klubeve nuk u arrit një marrëveshje për kalimin e 29-vjeçarit në “Parc de Princes”. Lojtari që njihet me nofkën Gana, do të mbajë veshur fanellën me numër 27 te PSG. Idrissa Gueye u bashkua me Everton në verën e vitit 2016 nga skuadra e Aston Villa për shumën e 8.5 milionë eurove.